काठमाडौँः संघीय मामिला तथा सामान्य प्रशासन मन्त्रालयले २६ जना उपसचिवको सरुवा तथा पदस्थापन गरेको छ।
.gif)
लोक सेवा आयोगको सिफारिसमा आन्तरिक प्रतिस्पर्धाबाट नियुक्त भई मन्त्रालयको अतिरिक्त समूहमा रहेका २३ जना र विभिन्न निकायमा कार्यरत ३ जना उपसचिवको शुक्रबार सरुवा गरिएको हो।
मन्त्रालयले अतिरिक्त समूहका २३ उपसचिवमध्ये ४ जनालाई स्थानीय तहको प्रमुख प्रशासकीय अधिकृतको जिम्मेवारी दिएको छ। अमरबहादुर वलीलाई चितवनको राप्ती नगरपालिका, अमनकुमार कर्णलाई धनुषाको नगराईन नगरपालिका, राजन थापालाई उदयपुरको कटारी नगरपालिका र राजकुमारी खत्रीलाई दोलखाको जिरी नगरपालिकाको प्रमुख प्रशासकीय अधिकृतको जिम्मेवारी दिइएको छ।
यसैबीच, जिल्ला समन्वय समिति झापाका अकबर प्रधान, जिल्ला समन्वय समिति स्याङ्जाका रुकु शर्मा र कटारी नगरपालिका उदयपुरका राजमणि निरौलालाई मन्त्रालयको अतिरिक्त समूहमा तानिएको छ ।
