काठमाडौंः नेशनल लाइफ इन्स्योरेन्स कम्पनी लिमिटेडले आर्थिक वर्ष २०८०।८१ का लागि प्रस्ताव गरेको लाभांश पारित गरेको छ। कम्पनीको ३७औँ वार्षिक साधारणसभाबाट १०% बोनस सेयर र कर प्रयोजनका लागि ५% नगद लाभांश पारित भएको हो।
.gif)
साधारण सभामा कम्पनीकी अध्यक्ष प्रेमा सिंहले हालको चुनौतीपूर्ण आर्थिक परिवेश बीच पनि कम्पनीले सन्तोषजनक व्यवसायिक प्रगति गरेको बताइन्।
प्रमुख वित्तीय विवरणहरूः
कुल बीमा शुल्कः २१.९०% ले वृद्धि भई २० अर्ब ४९ करोड रुपैयाँ
बीमा करार दायित्वः २१.७०% ले वृद्धि भई ७९ अर्ब ६० करोड रुपैयाँ
दाबी भुक्तानीः ८ अर्ब ३२ करोड रुपैयाँ
कुल लगानीः १७.३५% ले वृद्धि भई ७० अर्ब १५ करोड रुपैयाँ
वार्षिक औसत प्रतिफल दरः ९.१७%
कम्पनीले आर्थिक सूचकहरू सुदृढ बनाउँदै लगानीमा सन्तोषजनक प्रतिफल सुनिश्चित गरेको जनाएको छ। आगामी वर्षहरूमा अझ सशक्त सेवा र लगानी नीतिका माध्यमबाट बीमा व्यवसाय विस्तार गर्ने योजनामा कम्पनी रहेको जनाइएको छ।
