काठमाडौँ ।अमेरिकी राष्ट्रपति डोनाल्ड ट्रम्पले श्रम तथ्याङ्क ब्युरोकी आयुक्त एरिका म्याकएन्टार्फरलाई पदबाट बर्खास्त गरेका छन्। ट्रम्पले उनीमाथि राजनीतिक उद्देश्यका लागि तथ्यांक हेरफेर गरेको र ब्युरोले प्रस्तुत गरेको रोजगार रिपोर्ट गलत भएको आरोप लगाएका छन्।
.gif)
यो निर्णय ब्युरोले जुलाईको रोजगार रिपोर्ट सार्वजनिक गरेको केही घण्टापछि आएको हो। रिपोर्टअनुसार, मे र जुन महिनामा गैर-कृषि रोजगारीमा पूर्वानुमानभन्दा धेरै कम, जम्मा ७३ हजार मात्र वृद्धि भएको देखिएको थियो। यसबाहेक, मे र जुनका लागि पहिले रिपोर्ट गरिएका रोजगारी संख्यालाई पनि २ लाख ५० हजारभन्दा बढीले संशोधन गरिएको थियो।
तत्कालीन राष्ट्रपति जो बाइडेनले म्याकएन्टार्फरलाई जुलाई २०२३ मा यस पदका लागि नियुक्त गरेका थिए। ट्रम्पको यो कदमले अमेरिकामा तथ्यांकको विश्वसनीयता र राजनीतिक हस्तक्षेपबारे बहस सिर्जना गरेको छ।
