सानिमा बैंक लिमिटेडले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ।सार्वजनिक गरेको विवरण अनुसार बैंकले गत आर्थिक वर्षमा २ अर्ब ६७ करोड रुपैयाँ खुद नाफा आर्जन गरेको छ। यो अघिल्लो आवको तुलनामा प्रतिशतले बढी हो। अघिल्लो आवको असार मसान्तसम्म बैंकको नाफा २ अर्ब ३९ करोड रुपैयाँ थियो। त्यसैगरी बैंकले अघिल्लो वर्ष ६ अर्ब १८ करोड रुपैयाँ खुद ब्याज आम्दानी गरेकोमा गत आवमा बढेर ६ अर्ब ३५ करोड रुपैयाँ पुगेको छ भने कुल सञ्चालन आम्दानी पनि ७ अर्ब ९२ करोड रुपैयाँबाट बढेर ८ अर्ब ६० करोड रुपैयाँ पुगेको छ।
.gif)
यो अवधिमा बैंकको सञ्चालन नाफा पनि ३ अर्ब ४७ करोड रुपैयाँबाट वृद्धि भएर ३ अर्ब ५७ करोड रुपैयाँ पुगेको छ। यससँगै प्रतिसेयर आम्दानी पनि १७.६५ रुपैयाँबाट बढेर १८.९३ रुपैयाँ पुगेको छ। यो अवधिमा बैंकको वितरणयोग्य मुनाफा २ अर्ब ७८ करोड ७ लाख रुपैयाँ रहेको छ। बैंकले २०.४७ प्रतिशत लाभांश बाँड्ने क्षमता बनाएको छ। अघिल्लो वर्ष १०.६६ प्रतिशत थियो।बैंकको चुक्ता पूँजी १३ अर्ब ५८ करोड रुपैयाँ रहेको छ भने जगेडा कोषमा २ अर्ब ९१ करोड रुपैयाँ सञ्चिति रहेको बैंकको रिजर्भ कोषमा ६ अर्ब ६० करोड रुपैयाँ रहेको छ।
बैंकले २ अर्ब ७ करोड रुपैयाँ सापटी लिएर १ खर्ब ७६ अर्ब ३९ करोड रुपैयाँ कर्जा प्रवाह गरी २ खर्ब २३ अर्ब ४१ करोड रुपैयाँ निक्षेप संकलन गरेको छ। अघिल्लो वर्ष १.७२ प्रतिशतमा रहेको खराब कर्जा बढेर ३.०१ प्रतिशत पुगेको छ। बैंकको प्रतिसेयर नेटवर्थ १६८.८३ रुपैयाँ रहेको छ।
