काठमाडौँ । कात्तिक १६, सामाजिक सुरक्षा कोषमा हालसम्म कूल रु ९४ अर्ब ९ करोड १ लाख ७९ हजार बराबरको रकम संकलन भएको कोषले जनाएको छ। कोषका अनुसार हालसम्म रु १७ अर्ब २९ करोड ३० लाख ५१ हजार बराबरको रकम विभिन्न शीर्षकमा योगदानकर्तालाई भुक्तानी गरिएको छ।
.gif)
कोषमा हालसम्म २५ लाख ९२ हजार १४१ जना सूचीकृत योगदानकर्ता रहेका छन् भने २२ हजार १२५ रोजगारदाता सूचीकृत भएका छन्। कोषले अझै बाँकी रोजगारदातालाई सूचीकृत गराउन पहल भइरहेको जनाएको छ।
भुक्तानीको विवरणअनुसार, औषधि उपचार, स्वास्थ्य तथा मातृत्व दाबी शीर्षकमा रु २ अर्ब ४२ करोड ५० लाख ८१ हजार, दुर्घटना तथा अशक्तता सुरक्षा दाबी शीर्षकमा रु २२ करोड ३१ लाख ६३ हजार, आश्रित परिवार सुरक्षा दाबी शीर्षकमा रु २८ करोड ३५ लाख ९७ हजार,र अवकाश दाबी शीर्षकमा रु १४ अर्ब ३६ करोड १२ लाख ८ हजार भुक्तानी गरिएको कोषले जानकारी दिएको छ।
