धनगढी । सुदूरपश्चिम प्रदेशसभाको बैठकमा सरकारले आगामी आर्थिक वर्ष २०८३/८४ को बजेट कार्यान्वयनसँग सम्बन्धित विधेयक टेबल गरेको छ। आज ११ बजे बसेको बैठकमा विधेयक टेबल भएको हो ।बैठकको सुरुमा आर्थिक मामिला मन्त्री विक्रम सिंह धामीले प्रदेशसभा नियमावली, २०८० बमोजिम राजस्व र व्ययको वार्षिक अनुमान, अर्थ सम्बन्धी प्रस्ताव कार्यान्वयन गर्न बनेको विधेयक तथा विनियोजन विधेयक सभा समक्ष टेबल गरे।
.gif)
त्यसैगरी, आन्तरिक मामिला तथा कानून मन्त्री हीरा सार्कीले महालेखा परीक्षकको आठौँ वार्षिक प्रतिवेदन, थारु आयोगको सातौँ वार्षिक प्रतिवेदन, मुस्लिम आयोगको सातौँ वार्षिक प्रतिवेदन र मधेसी आयोगको सातौँ वार्षिक प्रतिवेदन सभामा पेस गरे।प्रतिवेदनहरू पेस भएपछि सभामुख भीमबहादुर भण्डारीले महालेखा परीक्षकको प्रतिवेदन सार्वजनिक लेखा समितिमा तथा अन्य आयोगका प्रतिवेदन सम्बन्धित समितिमा अध्ययन र छलफलका लागि पठाउन निर्देशन दिए।आजको बैठकमा आगामी आर्थिक वर्ष २०८३/८४ को बजेटसम्बन्धी विधेयक टेबल भएसँगै बजेटमाथिको छलफल र पारित गर्ने प्रक्रिया अघि बढ्ने जनाइएको छ।
कार्यसूची सकिएपछि सभामुख भण्डारीले अर्को सूचना जारी नभएसम्मका लागि प्रदेशसभा बैठक स्थगित भएको घोषणा गरे। यसअघि बजेट प्रस्तुत भएपछि सत्तारुढ दलहरूबीच देखिएको आन्तरिक विवादका बैठक प्रभावित हुँदै आएको थियो ।
