काठमाडौँ । साताको सेयर कारोबार हुने दोस्रो दिन नेप्से परिसूचक उच्च अंकले घटेर बन्द भएको छ । अघिल्लो दिन सामान्य अंकले घटेको बजार आज भने २१.१५ अंकले घटेर बन्द भएको हो । आजको कारोबार बन्द हुँदा नेप्से परिसूचक २६६३.१८ विन्दुमा पुगेको छ । आज सेयर बजारमा २१४ कम्पनीको सेयर मुल्य घटेको छ भने ५८ कम्पनीको सेयर मूल्य बढेको छ । आज ५ कम्पनीको सेयर मूल्य भने स्थिर रहेको छ । आज सेन्सेटिभ इन्डेक्स पनि २.६६ अंकले घटेर ४६७.९६ विन्दुमा पुगेको छ । मंगलबार सबै १३ वटै उपसूचकको सेयर मूल्यमा गिरावट आएको छ ।
.gif)
परिसूचकसँगै आज कारोबार रकममा पनि गिरावट आएको छ । अघिल्लो दिन साढे ४ अर्बको कारोबार भएको बजारमा आज भने ४ अर्ब माथिको मात्रै कारोबार भएको छ । आज ३४३ कम्पनीका १ करोड ७ लाख ६१ हजार ३९६ कित्ता सेयर ५२ हजार २७२ पटक खरिद बिक्री हुँदा ४ अर्ब ७ करोड ८ लाख ५३ हजार ६१० रुपैयाँको कारोबार भएको छ । आज सेयर बजारमा एक कम्पनीको सेयर मूल्यमा सकारात्मक सर्किट लागेर कारोबार भएको छ ।
