काठमाडौंः भदौ २, संघीय संसद् अन्तर्गत दुई संसदीय समितिको बैठक आज सिंहदरबारमा बस्दैछन्। प्रतिनिधिसभा र राष्ट्रियसभाका एक–एक समितिका बैठकहरू सम्बन्धित सभाकक्षमा तय गरिएको संसद् सचिवालयले जनाएको छ।
.gif)
प्रतिनिधिसभाको शिक्षा, स्वास्थ्य तथा सूचना प्रविधि समितिको बैठक दिउँसो ३ः०० बजेका लागि बोलाइएको छ। बैठकमा विद्यालय शिक्षा विधेयक, २०८० सम्बन्धी समितिको प्रतिवेदन पेश गरिने कार्यसूची छ।
त्यस्तैगरि, राष्ट्रियसभा अन्तर्गतको विधायन व्यवस्थापन समितिको बैठक बिहान ११ः०० बजे बस्नेछ। उक्त बैठकमा संघीय निजामती सेवा विधेयक, २०८० माथि सैद्धान्तिक छलफल हुने जनाइएको छ।
दुवै बैठक सिंहदरबारस्थित समितिका सभाकक्षमा हुनेछन्।
