काठमाडौँ । असोज १७, जिल्ला प्रशासन कार्यालय, काठमाडौँले हालको मौसमी प्रतिकूल अवस्थालाई ध्यानमा राख्दै रातको समयमा यात्रा नगर्न सर्वसाधारणलाई अनुरोध गरेको छ।
.gif)
प्रशासनले एक सूचना जारी गर्दै आवश्यक नपरी काठमाडौँबाट बाहिर जाने वा बाहिरबाट काठमाडौँ प्रवेश गर्ने कार्य नगर्न आग्रह गरेको छ। सूचनामा भनिएको छ, काठमाडौँबाट बाहिर जाने र बाहिरबाट काठमाडौँ प्रवेश गर्ने महानुभावहरूले रातको समयमा यात्रा नगर्नु हुन अनुरोध छ।
यात्राका क्रममा हुने जोखिमलाई न्यूनीकरण गर्न र आपतकालीन अवस्थालाई ध्यानमा राख्दै प्रशासनले यस्तो आग्रह गरेको हो। सूचनामा थप भनिएको छ कि विपद्को समयमा उद्धार, राहत वा सहयोग आवश्यक परेमा सम्बन्धित निकाय सँग तुरुन्त सम्पर्क गर्न सकिने व्यवस्था मिलाइएको छ।
प्रशासनले निम्न सम्पर्क नम्बरहरूमा सम्पर्क गर्न आग्रह गरेको छः
जिल्ला प्रहरी परिसर, काठमाडौँः १६६०–०१–४१५१६,९८५१२८३०२६,०१–५७२१०१७
सशस्त्र प्रहरी बल नेपाल विपद् उद्धार गण, सिनामंगलः ९८५१२७२०३५,०१–४४७१३३७
जिल्ला आपतकालीन कार्य सञ्चालन केन्द्रः ९८५१३६२९३७
प्रशासनले नागरिकलाई सजग रहनुका साथै आवश्यक सावधानी अपनाउन समेत अनुरोध गरेको छ।
