काराकस । भेनेजुएलाले तेल उत्पादन पुनः सुरु गर्नुअघि अमेरिकाले नयाँ सर्त तेर्स्याएको छ । ट्रम्प प्रशासनले भेनेजुएलाकी अन्तरिम राष्ट्रपति डेल्सी रोद्रिगेजलाई चीन, इरान, रुस र क्युबा जस्ता देशसँगको सम्बन्ध तोड्न दबाब दिएको भन्दै सीएनएनले समाचार प्रकाशित गरेको छ । अमेरिकाले तेल उत्पादनमा आफूसँग मात्रै सहकार्य गर्न समेत दबाब दिएको छ ।रोद्रिगेजले ट्रम्प प्रशासनलाई मात्रै सपोर्ट गर्नुपर्ने र भविष्यमा घरेलु तेल पनि अमेरिकी कम्पनीलाई मात्रै बेच्न आग्रह गरिएको ह्वाइट हाउसका दुई जना वरिष्ठ अधिकारीलाई उद्धृत गर्दै सीएनएनले जनाएको छ । यी मागलाई ह्वाइट हाउसकी प्रेस सचिव कारोलिन लेभिटले पुष्टि र खण्डन नगरेको समाचारमा उल्लेख छ ।
.gif)
भेनेजुएलमा केही हप्ताका लागि मात्रै पुग्ने विदेशी विनिमय सञ्चिति रहेको बताइएको छ । भेनेजुएलासँग तेल कारोबारका लागि त्यहाँको अन्तरिम सरकारसँग सम्झौता गर्ने तहसम्म पुगेको ट्रम्प प्रशासनले बताएको छ । यही बिचमा उसले यी सर्त अघि सारेको समाचार बाहिर आएको हो । बुधबार अमेरिकी विदेश मन्त्री मार्को रुबियोले तेल बेचेको पैसा ट्रम्प प्रशासनले लिने र भेनेजुएली जनताको हितमा प्रयोग गर्ने बताएका थिए ।
