टोकियो । जापानका पूर्वप्रधानमन्त्री सिञ्जो आवेको हत्यारालाई अदालतले आजीवन कारावासको सजाय तोकेको छ । ४५ वर्षीय तेत्सुया यामागामीले सन् २०२२ मा एउटा चुनावी अभियानका क्रममा आवेमाथि गोली हानेका थिए ।
.gif)
गोली प्रहार भएको केही घण्टामा आवेको निधन भएको थियो । दोस्रो विश्वयुद्ध पछिको इतिहासमा यस्तो हत्या कहिल्यै नभएको भन्दै अभियोजनकर्ताहरूले यामागामीलाई आजीवन कारावासको सजायको माग गरेका थिए । यसले समाजमा अति नै गम्भीर प्रभाव पार्ने उनीहरूको भनाइ थियो । यामागामीको वकिलले भने उनलाई अधिकतम् २० वर्षको मात्रै सजाय दिनुपर्ने तर्क गरेका थिए ।
