काठमाडौँ । नेपाल सरकारका पूर्वसहसचिव लोकनाथ देवकोटाले बाढी, पहिरो र डुबान पीडितको उद्धार तथा राहतका लागि ‘प्रधानमन्त्री दैवी प्रकोप उद्धार कोष’ मा ५० लाख रुपैयाँ सहयोग गरेका छन्। गोर्खा पालुङटार-२ सिम्पानी घर भई हाल काठमाडौँ बस्दै आएका देवकोटाले सो रकमको चेक अर्थमन्त्रीमार्फत हस्तान्तरण गरेका हुन्।
.gif)
आज देशका विभिन्न भागमा गएको बाढी, पहिरो र डुबानका कारण धेरै नागरिकले अकल्पनीय क्षति र पीडा भोग्नुपरेको उनले बताएका छन्। देवकोटाले भने, ‘यो राष्ट्रिय विपत्तिको घडीमा पीडितहरूको घाउमा मलम लगाउनु र राहत पुऱ्याउनु सबै नागरिकको पहिलो दायित्व हो।’
