काठमाडौं । हिमालयन रिइन्स्योरेन्स लिमिटेडले सेयर रजिष्ट्रारमा हिमालयन इन्भेष्टमेन्ट बैंकर नियुक्त भएको छ ।यसअघि एनएमबी क्यापिटल लिमिटेड सेयर रजिष्ट्रार रहेकोमा कम्पनीको असार १९ गते बसेको सञ्चालक समितिको बैठकले सेयर रजिष्ट्रार परिवर्तन गर्ने निर्णय गरेको हो ।
.gif)
अब यस कम्पनीको धितोपत्र कारोबार सम्बन्धी अभिलेख राख्ने, दाखिल खारेज, नामसारी, रोक्का राख्ने लगायतका सेयरधनीहरुको लगत अद्यावधिक गरी राख्ने सम्बन्धी सम्पूर्ण कार्य हिमालयन इन्भेष्टमेन्ट बैंकर लिमिटेड, नयाँ बानेश्वर, काठमाडौंबाट हुनेछ ।
हिमालयन इन्भेष्टमेन्ट बैंकर अगामी असोज १ गते बाट लागु हुने गरी यस कम्पनीको सेयर रजिष्ट्रारमा नियुक्त भएको हो । कम्पनीले रजिष्ट्रार अन्तर्गतको सम्पूर्ण कार्यहरु हिमालयन इन्भेष्टमेन्ट बैंकर लिमिटेडमार्फत हुने जानकारी गराएको छ ।
