काठमाडौँ । काठमाडौँ स्थित एभरेष्ट बैंक लिमिटेडको ३१औँ वार्षिक साधारणसभा कात्तिक १२ गते बिहान ११ बजे भाटभटेनीस्थित आम्रपाली बैंक्वेटमा बस्ने भएको छ। सभाले चुक्ता पूँजीको ६ प्रतिशत बोनस शेयर र १४ प्रतिशत नगद लाभांश (करसहित) गरी कुल २० प्रतिशत लाभांश पारित गर्नेछ।
.gif)
त्यसैगरी, सभाले गत आवको वित्तीय विवरण पारित गर्ने, चालू आवको लागि लेखापरीक्षक नियुक्त गर्ने र निजको पारिश्रमिक निर्धारण गर्ने साथै आवश्यक परे बैंकको प्रबन्धपत्र तथा नियमावलीमा संशोधन गर्ने प्रस्तावमा निर्णय गर्नेछ।
बैंकले सभामा भाग लिन र लाभांश प्राप्त गर्नको लागि असोज २४ गते एक दिन बुक क्लोज गरेको थियो। यस अनुसार, असोज २३ गतेसम्म नेप्सेमा कायम सेयरधनी मात्र सभामा सहभागी हुन र लाभांश प्राप्त गर्न सक्नेछन्।
