काठमाडौं । सम्पदा लघुवित्त वित्तीय संस्थाले बाढीपीडितको राहत तथा उद्धारका लागि प्रधानमन्त्री दैवी प्रकोप उद्धार कोषमा ५ लाख ५५ हजार ५५५ रुपैयाँ सहयोग गरेको छ ।
.gif)
भोटेकोशी नदीमा आएको आकस्मिक तथा विनाशकारी बाढीका कारण रसुवा, नुवाकोट, धादिङलगायत जिल्लामा ठूलो मानवीय तथा भौतिक क्षति भएकोप्रति संस्थाले दुःख व्यक्त गरेको छ ।
संस्थाले विपद्का कारण प्रभावित नागरिकको राहत तथा उद्धार कार्यमा सहयोग पुर्याउने उद्देश्यले उक्त रकम उपलब्ध गराएको जनाएको छ ।
बाढी तथा पहिरोबाट प्रभावित परिवारको तत्काल उद्धार, राहत तथा पुनःस्थापनाका लागि सहयोग आवश्यक रहेको भन्दै संस्थाले विपद्को समयमा प्रभावित नागरिकप्रति ऐक्यबद्धता जनाएको छ ।
सम्पदा लघुवित्तले सामाजिक उत्तरदायित्वअन्तर्गत विपद् प्रभावित नागरिकलाई सहयोग गर्ने उद्देश्यले कोषमा रकम जम्मा गरेको जनाएको छ ।
