काठमाडौँ । भदौ २५, देशभर फैलिएको जेनजी आन्दोलनका कारण उत्पन्न विषम परिस्थितिले कक्षा १२ को मौका (पूरक) परीक्षा स्थगित गरिएको छ।
.gif)
राष्ट्रिय परीक्षा बोर्डले एक सूचना प्रकाशित गर्दै यही भदौ २८ र २९ गते सञ्चालन हुने भनिएको परीक्षा अर्को सूचना नआएसम्मका लागि स्थगित गरिएको जानकारी दिएको हो।
बोर्डले भनेको छ, देशमा विकसित विशेष परिस्थितिका कारण परीक्षा सञ्चालन सम्भव नभएकाले अर्को सूचना नआएसम्मका लागि स्थगित गरिएको जानकारी गराइन्छ।
पुनः परीक्षा तालिका सार्वजनिक गर्दा कम्तीमा सात दिनको अग्रिम समय दिइने समेत बोर्डले स्पष्ट पारेको छ।
जेनसी आन्दोलनले देशका विभिन्न स्थानमा जनजीवन प्रभावित पारेको छ भने शैक्षिक संस्थाहरू समेत बन्द हुने अवस्था आएका छन्। यस्तो परिस्थितिमा विद्यार्थीहरूको सुरक्षालाई ध्यानमा राख्दै परीक्षा स्थगन गरिएको हो।
