अब नेपाल पर्यटन बोर्डका पदाधिकारी तथा कर्मचारीले नेपाल वायुसेवा निगमको हवाई टिकटमा विशेष छुट पाउने भएका छन् । यसका लागि निगम र बोर्डबीच पर्यटन 'प्रवर्द्धन तथा हवाई सेवामा सहकार्य' सम्बन्धी सम्झौता पत्रमा हस्ताक्षर भएको छ । निगमका कार्यकारी सञ्चालक अमृतमान श्रेष्ठ र बोर्डका प्रमुख कार्यकारी अधिकृत दीपकराज जोशीले सम्झौता पत्रमा हस्ताक्षर गरे ।
.gif)
सम्झौताअनुसार पर्यटन प्रवर्द्धनका निम्ति यात्रा गर्दा वा त्यस्ता कार्यक्रममा सहभागी हुन जाने बोर्डका पदाधिकारी र कर्मचारीले निगमको हवाई टिकटमा छुट पाउनेछन् । साथै, अब दुवै संस्थाले आपसी ब्रान्ड प्रमोशन, बजार अभिमुखीकरण, परिचयात्मक भ्रमण र संस्थागत साझेदारीलाई अझ प्रभावकारी बनाउन संयुक्त गतिविधि सञ्चालन गर्ने छन् ।
यो सहकार्यले पर्यटन प्रवर्द्धन, यात्रु वृद्धि, बजार विस्तार, गन्तव्य विविधिकरण र नेपालमैत्री अन्तर्राष्ट्रिय छवि निर्माणमा महत्त्वपूर्ण योगदान पुर्याउने निगमको विश्वास छ ।
