काठमाडौं, १८ चैत । राष्ट्रिय परीक्षा बोर्डले माध्यमिक शिक्षा परीक्षा (एसईई) को उत्तरपुस्तिका परीक्षण अब परीक्षा केन्द्रबाटै गर्ने व्यवस्था सहित नयाँ निर्देशिका जारी गरेको छ।
.gif)
नयाँ व्यवस्थाअनुसार उत्तरपुस्तिका परीक्षण प्रक्रियालाई छिटो, व्यवस्थित र पारदर्शी बनाउन केन्द्रमै परीक्षण गर्ने प्रणाली लागू गर्न लागिएको बोर्डले जनाएको छ।
यसअघि उत्तरपुस्तिका परीक्षणका लागि छुट्टै केन्द्रमा पठाउने प्रचलन थियो, जसका कारण नतिजा प्रकाशनमा ढिलाइ हुने गरेको थियो। नयाँ निर्देशिकाले यस्तो ढिलाइ घटाउने अपेक्षा गरिएको छ।
शिक्षा, विज्ञान तथा प्रविधि मन्त्री सस्मित पोखरेल नियुक्त भएपछि उनले एसईईको नतिजा एक महिनाभित्र सार्वजनिक गर्न निर्देशन दिएका थिए।
प्रधानमन्त्री बालेन शाहसँगको परामर्शपछि बोर्डलाई एक महिनाभित्र नतिजा प्रकाशन गर्ने लक्ष्यसहित आवश्यक तयारी गर्न निर्देशन दिइएको थियो।
सोही निर्देशनअनुसार बोर्डले नयाँ निर्देशिका जारी गरेको हो। यसबाट आगामी एसईई नतिजा समयमै सार्वजनिक हुने विश्वास गरिएको छ।
