काठमाडौं । काठमाडौंबाट दिल्लीका लागि उड्न लागेको एयर इन्डियाका जहाजका एक यात्रुले एयरहोस्टेसमाथि दुर्व्यवहार गरेपछि जहाज फर्काइएको छ ।अहिले बेलुका सवा ५ बजे जहाज टेकअफ हुने बेलामा एक यात्रुले लफडा गर्दै एयरहोस्टेसमाथि दुर्व्यवहार गरेको पाइएको छ । टेकअफ गर्ने बेलामा शौचालय जान चाहेका यात्रुलाई रोकेपछि लफडा सुरु भएको बताइएको छ ।
.gif)
विमानका यात्रुले लफडा गरेपछि टेकअफ गर्न लागेको जहाज फर्काइएको छ । विमानस्थलका सूचना अधिकारी तेजबहादुर पौडेलका अनुसार अहिले जहाजलाई पार्किङमा राखिएको छ ।दुर्व्यवहार गर्ने यात्रुलाई जहाजबाट निकालेर प्रहरीले सोधपुछ गरिरहेको छ । विमानस्थलका एसएसपी बसन्त रजौरेले बाह्रखरीसँगको कुराकानीमा एक यात्रुले ‘रक्सी खाएर लफडा गरेको पाइएको’ बताए ।सूचना अधिकारी पौडेलले पनि मापसे गरेका यात्रुका समस्या आएको बताए ।
