काठमाडौँ । भायानेट कम्युनिकेसन्सले नेपालमा आयोजना हुन लागेको अन्तर्राष्ट्रिय पब्जी मोबाइल प्रतियोगिता पब्जी मोबाइल ग्लोबल ओपन (पीएमजीओ) को आधिकारिक इन्टरनेट साझेदारका रूपमा सहकार्य गरेको छ। नेपालमा आयोजना हुने ठूला अन्तर्राष्ट्रिय ई–स्पोर्ट्स प्रतियोगितामध्ये एक मानिने यस प्रतियोगिताका लागि आवश्यक इन्टरनेट तथा कनेक्टिभिटी पूर्वाधार भायानेटले उपलब्ध गराउनेछ।ई–स्पोर्ट्समा खेलको नतिजा खेलाडीको सीप र निर्णय क्षमतामा मात्र निर्भर नभई, इन्टरनेटको कार्यसम्पादनले पनि प्रत्यक्ष प्रभाव पार्छ। विशेषगरी उच्चस्तरमा प्रतिस्पर्धा हुने व्यावसायिक खेलमा इन्टरनेटको गति मात्र पर्याप्त हुँदैन; स्थिरता, निरन्तरता र न्यून विलम्बता उत्तिकै महत्वपूर्ण हुन्छ। खेलका क्रममा केही क्षणका लागि आउने अवरोध वा कनेक्टिभिटीमा हुने अस्थिरताले समेत महत्वपूर्ण समयमा खेलको अवस्था र नतिजालाई प्रभावित गर्न सक्छ। यसै कारण, अन्तर्राष्ट्रिय स्तरको प्रतियोगिताका लागि आवश्यक कनेक्टिभिटी उपलब्ध गराउने जिम्मेवारी भायानेटका लागि महत्वपूर्ण उपलब्धि हो। पीएमजीओजस्तो ठूलो अन्तर्राष्ट्रिय ई–स्पोर्ट्स प्रतियोगिताका लागि भायानेट छनोट हुनु यसको नेटवर्क क्षमता र विश्वसनीयताको प्रमाण हो।

पीएमजीओसँगको यो साझेदारी भायानेटको ई–स्पोर्ट्स क्षेत्रमा बढ्दो संलग्नताको अर्को महत्वपूर्ण कदम हो। यसअघि भायानेटले पब्जी मोबाइल राष्ट्रिय च्याम्पियनसिप (पीएमएनसी) मा आधिकारिक इन्टरनेट साझेदारका रूपमा सेवा प्रदान गरेको थियो। उक्त प्रतियोगिताका क्रममा भायानेटले स्थिर र न्यून विलम्बतायुक्त इन्टरनेट कनेक्टिभिटी उपलब्ध गराएको थियो।“धेरैजसो इन्टरनेट प्रयोगकर्ताका लागि विश्वसनीयता भनेको बिना अवरोध काम गर्न, स्ट्रिम गर्न, गेम खेल्न वा सम्पर्कमा रहन सक्नु हो। तर व्यावसायिक ई–स्पोर्ट्समा यही विश्वसनीयताको परीक्षण अझ फरक स्तरमा हुन्छ-जहाँ केही मिलिसेकेन्डको अन्तर वा गलत समयमा हुने एउटा सानो अवरोधले समेत खेलको नतिजा बदल्न सक्छ। पीएमजीओजस्तो
प्रतियोगिताका लागि इन्टरनेट उपलब्ध गराउने जिम्मेवारी पाउनु भनेको कार्यसम्पादन सबैभन्दा महत्वपूर्ण हुने अवस्थामा भायानेटको नेटवर्कले के गर्न सक्छ भन्ने कुराको प्रमाण हो।”

पीएमजीओसँगको यस साझेदारीमार्फत भायानेटले अन्तर्राष्ट्रियस्तरको ई–स्पोर्ट्स सञ्चालन गर्न सक्षम बनाउने नेटवर्क विश्वसनीयता, स्थिरता र न्यून विलम्बता नै आफ्ना ग्राहकहरूले दैनिक रूपमा अनुभव गर्ने कनेक्टिभिटीको आधार भएको देखाउन चाहेको छ। यस साझेदारीले नेपालको गेमिङ तथा ई–स्पोर्ट्स क्षेत्रमा भायानेटको बढ्दो संलग्नतालाई थप मजबुत बनाएको छ।नेपालमा अन्तर्राष्ट्रियस्तरका ठूला गेमिङ प्रतियोगिताहरू आयोजना हुने क्रम बढ्दै जाँदा, त्यस्ता आयोजनाका लागि आवश्यक कनेक्टिभिटी पूर्वाधारको विकासमा भायानेटले निरन्तर योगदान दिँदै आएको छ।