काठमाडौं । अन्तर्राष्ट्रिय बजारमा कच्चा तेलको भाउ फेरि उकालो लागेको छ । कच्चा तेलको भाउ बढेर ब्यारेलको ७५ डलरमाथि पुगेको छ । गत राति मुरबान क्रुडमा कच्चा तेलको भाउ बढेर ब्यारेलको ७५.२५ डलरमा कारोबार भएको आयल प्राइस डटकमले जनाएको छ ।
.gif)
ब्रेन्ट क्रुडमा ब्यारेलको ७२.६३ र डब्ल्यूटीआई क्रुडमा ६९.२२ डलरमा कारोबार भएको छ । ब्यारेलको ६५ देखि ७० डलरको बीचमा रहेको कच्चा तेलको भाउ यो सातादेखि बढ्न थालेको हो । कच्चा तेलको मूल्य सन् २०२५ बाँकी समय प्रतिब्यारेल ७० अमेरिकी डलरभन्दा कम रहने पूर्वानुमान सार्वजनिक गरिएकोमा फेरि बढ्न थालेको हो । तेल उत्पादक तथा निर्यातक मुलुकहरूको संगठन (ओपेक प्लस)ले उल्लेखनीय उत्पादन वृद्धिको घोषणा गरेपछि पनि विश्लेषकहरूलाई आश्चर्यचकित पार्दै कच्चा तेलको मूल्य बढेको छ ।
गोल्डम्यान स्याक्स, मोर्गन स्टेनली र जेपी मोर्गनलगायत प्रमुख तेलमा लगानी बैंकहरूले यस वर्ष ब्रेन्ट क्रुडको मूल्य औसतमा ब्यारेलको ६६.३२ र डब्ल्यूटीआई क्रुडको औसतमा ६३.०३ हुने अनुमान गरेका छन् । गत जुनमा रोयटर्स सर्वेक्षणले पनि मूल्य पूर्वानुमानमा थोरै वृद्धि देखाएको छ । रुस–युक्रेन युद्ध सुरु भएपछि अन्तर्राष्ट्रिय बजारमा कच्चा तेलको भाउ बढेर ब्यारेलको १४० डलरसमम पुगेको थियो । बढ्दो तेलको भाउले विश्वबजारमा महंगीसमेत बढाएको थियो । इरान र इजरायबीचको युद्धले कच्चा तेलको भाउ बढेर ब्यारेलको ८० डलरसम्म पुगेको थियो ।
