काठमाडौँ । गुगलको अगस्ट १२ मा हुने कार्यक्रम नजिकिँदै गर्दा आगामी पिक्सेल ११ सिरिज र पिक्सेल वाच ५ का विषयमा विभिन्न विवरणहरू बाहिरिने क्रम जारी छ। एउटा नयाँ लिकले गुगलका आउँदा पिक्सेल फोनहरूको विस्तृत स्पेसिफिकेसन र मूल्य सार्वजनिक गरिदिएको हो ।

• पिक्सेल ११:

‘एन्ड्रोइड हेडलाइन्स’ का अनुसार पिक्सेल ११ मा ६.३ इन्चको ओएलइडी डिस्प्ले रहनेछ। यसको रिजोल्युसन २४२४ x १०८० पिक्सेल, ३,००० निट्सको ब्राइटनेस र ६० देखि १२० हर्ट्जको एडाप्टिभ रिफ्रेस रेट रहनेछ। अपेक्षा गरिएअनुसार यो फोनमा गुगलको नयाँ टेन्सर जी६ प्रोसेसर र टाइटनएम३ को-प्रोसेसर प्रयोग हुनेछ।यो फोन १२ जिबी वा १६ जिबी र्‍यामका साथै २५६ जिबी वा ५१२ जिबी स्टोरेजमा उपलब्ध हुनेछ। १९७ ग्राम तौल रहने यो फोन सिरिजकै सबैभन्दा हल्का फोन हुने बताइएको छ। फोनमा ४,९८५ एमएएचको ब्याट्री, ३० वाटको भित्तामा जोडेर गरिने वायर चार्जिङ र क्यूआई२ वायरलेस चार्जिङ सपोर्ट रहनेछ।लिकका अनुसार पिक्सेल ११ मा ४८ मेगापिक्सेलको प्राइमरी र १३ मेगापिक्सेलको अल्ट्रावाइड क्यामेरासहितको दोहोरो रियर क्यामेरा सेटअप रहनेछ। यदि यो तथ्य सत्य ठहरिएमा पिक्सेल १० को तुलनामा यो ठूलो डाउनग्रेड हुनेछ, किनभने पिक्सेल १० मा ५ एक्स अप्टिकल जुमसहितको १०.८ मेगापिक्सेलको टेलिफोटो क्यामेरा पनि थियो।

फोनको अगाडि १०.५ मेगापिक्सेलको सेल्फी क्यामेरा रहनेछ। यसले ३० एक्ससम्मको सुपर जुम सपोर्ट गर्नेछ। अमेरिकामा पिक्सेल ११ को सुरुआती मूल्य ८९९ डलर रहने लिकमा उल्लेख छ।

• पिक्सेल ११ प्रो:

पिक्सेल ११ प्रोमा पनि ६.३ इन्चकै ओएलइडी डिस्प्ले रहनेछ। तर यसमा २८५६ x १२८० पिक्सेलको उच्च रिजोल्युसन, १ देखि १२० हर्ट्जसम्मको एलटीपिओ एडाप्टिभ रिफ्रेस रेट र ३,६०० निट्सको पिक ब्राइटनेस रहने बताइएको छ।प्रोसेसर र र्‍यामको क्षमता साधारण पिक्सेल ११ सरह नै रहनेछ। चार्जिङ गति पनि उस्तै हुनेछ। तर पिक्सेल ११ प्रोमा ४,८५० एमएएचको ब्याट्री रहने लिकमा उल्लेख छ। यसमा ५० मेगापिक्सेलको प्राइमरी, ४८ मेगापिक्सेलको अल्ट्रावाइड र १२० एक्स प्रो जुम सपोर्ट गर्ने ४८ मेगापिक्सेलको ५ एक्स पेरिस्कोप टेलिफोटो क्यामेरा गरी तेहेरो रियर क्यामेरा सेटअप रहनेछ।यो फोनले ०.५ एक्स, १ एक्स, २ एक्स, ५ एक्स र १० एक्स जुम लेभलमा अप्टिकल क्वालिटी दिनेछ। अमेरिकामा पिक्सेल ११ प्रोको सुरुआती मूल्य १,०९९ डलर हुने अपेक्षा गरिएको छ।

• पिक्सेल ११ प्रो एक्सएल:

पिक्सेल ११ प्रो एक्सएलमा ६.८ इन्चको ठूलो एलटीपिओ ओएलइडी डिस्प्ले रहनेछ। यसमा १ देखि १२० हर्ट्जको एडाप्टिभ रिफ्रेस रेट, २९९२ x १३४४ पिक्सेलको रिजोल्युसन र ३,६०० निट्सको पिक ब्राइटनेस रहनेछ। अन्य फोनजस्तै यसमा पनि टेन्सर जी६ प्रोसेसर र टाइटन एम३ को-प्रोसेसर प्रयोग हुनेछ भने १२ जिबी वा १६ जिबी र्‍याम पाइनेछ। २५६ जिबी र ५१२ जिबीका अलावा यो मोडलमा १ टिबी स्टोरेजको विकल्प पनि रहनेछ।यो फोनमा ५,११५ एमएएचको ब्याट्रीका साथै ४५ वाटको वायर फास्ट चार्जिङ र क्यूआई२ चार्जिङ सपोर्ट रहनेछ। यसमा पिक्सेल ११ प्रो सरहकै क्यामेरा सेटअप रहनेछ। लिकका अनुसार यसको सुरुआती मूल्य अमेरिकामा १,२९९ डलर रहनेछ।

• पिक्सेल ११ प्रो फोल्ड:

पिक्सेल ११ प्रो फोल्डमा १२० हर्ट्ज रिफ्रेस रेटसहितको ८ इन्चको फोल्डेबल ओएलइडी डिस्प्ले रहने अपेक्षा गरिएको छ। यसको बाहिरी कभर डिस्प्ले भने १२० हर्ट्ज रिफ्रेस रेटयुक्त ६.४ इन्चको ओएलइडी प्यानल हुनेछ। यसमा पनि जी६ प्रोसेसर र टाइटन एम३ को-प्रोसेसर रहनेछ। १२ जिबी वा १६ जिबी र्‍यामका साथ यो फोन २५६ जिबी, ५१२ जिबी र १ टिबी स्टोरेज विकल्पमा उपलब्ध हुनेछ।यो फोल्डेबल फोनमा ४,८०६ एमएएचको ब्याट्री, ३० वाटको वायर चार्जिङ र क्यूआई२ वायरलेस चार्जिङ सपोर्ट रहनेछ। यसमा ४८ मेगापिक्सेलको मुख्य, १०.५ मेगापिक्सेलको अल्ट्रावाइड र ५ एक्स अप्टिकल जुम तथा ३० एक्स सुपर जुम भएको १०.८ मेगापिक्सेलको पेरिस्कोप टेलिफोटो क्यामेरा रहनेछ। बाहिरी र भित्री दुवै डिस्प्लेमा १० मेगापिक्सेलको सेल्फी क्यामेरा रहनेछ।पिक्सेल ११ प्रो फोल्डको पावर बटनमा साइड-माउन्टेड फिंगरप्रिन्ट स्क्यानर रहनेछ। अमेरिकामा यसको सुरुआती मूल्य १,८९९ डलर रहने लिकमा उल्लेख छ।पिक्सेल ११ सिरिज अगस्ट १२ मा हुने ‘मेड बाइ गुगल’ कार्यक्रममा औपचारिक रूपमा सार्वजनिक हुनेछ। सोही दिन यी फोनका आधिकारिक फिचर र निश्चित मूल्यबारे थप जानकारी प्राप्त हुनेछ।