काठमाडौं । नेपाल आयल निगमले काठमाडौंका पाँच स्थानबाट आज विभिन्न ब्रान्डका एलपी ग्यास सिलिन्डर वितरण गर्ने भएको छ। जिल्ला प्रशासन कार्यालय काठमाडौं र निगमको समन्वयमा तोकिएका बिक्री केन्द्रबाट उपभोक्तालाई ग्यास उपलब्ध गराइने भएको हो।
.gif)
निगमका अनुसार अत्यावश्यक परेका उपभोक्ताले बिहान १० बजेदेखि साँझ ६ बजेसम्म तोकिएका केन्द्रमा पुगेर ग्यास खरिद गर्न सक्नेछन्। ग्यास खरिदका लागि उपभोक्ताले नागरिकता प्रमाणपत्र वा राष्ट्रिय परिचयपत्र अनिवार्य रूपमा साथमा लैजानुपर्नेछ।
ग्यास वितरण हुने स्थान र उपलब्ध ब्रान्डहरूः
नेपाल आयल निगम, टेकु परिसरः नेपाल, एचपी, एभरेस्ट सुगम, श्रीराम, सगर, सिद्धार्थ, श्री र हिमाल ग्यास।
यातायात कार्यालय परिसर, चाबहिलः नेपाल र एचपी ग्यास।
राधास्वामी, कीर्तिपुर परिसरः नेपाल, एचपी, एभरेस्ट सुगम, श्रीमाया, श्रीकृष्ण, साइजवाला र ओम ग्यास।
राधास्वामी, बसुन्धरा परिसरः नेपाल, एचपी, एभरेस्ट सुगम, भानु र ओम ग्यास।
पुरानो जिल्ला प्रशासन कार्यालय, बबरमहलस् नेपाल, एचपी, एभरेस्ट सुगम, श्रीराम, सगर, हिमाल, लोकप्रिय र सूर्य ग्यास।
निगमले एलपी ग्यासको आयात नियमित भइरहेको र ग्यास उद्योगहरूले आफ्ना आधिकारिक विक्रेतामार्फत समेत नियमित रूपमा बिक्री गरिरहेको जनाएको छ।
ग्यासको आपूर्ति नियमित रहेको भन्दै निगमले उपभोक्तालाई अनावश्यक रूपमा लामो लाइनमा नबस्न र आवश्यकता अनुसार मात्र ग्यास खरिद गर्न आग्रह गरेको छ।
