काठमाडौं, २६ भदौ । नेपाली बजारमा शुक्रबार सुनचाँदीको मूल्यमा भारी गिरावट आएको छ । यसदिन सुनको मूल्य प्रतितोला ४ हजार ८ सय रुपैयाँले घटेको छ भने चाँदीको मूल्य प्रतितोला २५५ रुपैयाँले घटेको छ ।
.gif)
नेपाल सुनचाँदी व्यवसायी महासंघका अनुसार शुक्रबार सुन प्रतितोला ३ लाख १ हजार रुपैयाँमा कारोबार भइरहेको छ । बिहीबार सुन प्रतितोला ३ लाख ५ हजार ८ सय रुपैयाँमा कारोबार भएको थियो ।
त्यस्तै, शुक्रबार चाँदीको मूल्य पनि घटेर प्रतितोला ४ हजार ६ सय रुपैयाँ कायम भएको छ । बिहीबार चाँदी प्रतितोला ४ हजार ८ सय ५५ रुपैयाँमा कारोबार भएको थियो ।
एकैदिन सुनको मूल्यमा ४ हजार ८ सय रुपैयाँ तथा चाँदीको मूल्यमा २५५ रुपैयाँको गिरावट आएपछि नेपाली बजारमा बहुमूल्य धातुको कारोबार प्रभावित भएको छ ।
