काठमाडौं । आज सन् २०२५ को पहिलो दिन । आजदेखि केही मोबाइल फोनमा ह्वाट्सएप, फेसबुक र इन्स्टाग्राम नचल्ने भएको छ ।
.gif)
अब २० भन्दा बढी प्रकारका एन्ड्रोइड मोबाइल फोनमा ह्वाट्सएप र फेसबुक चल्ने छैन । मेटाले आफ्ना एपको सुरक्षाका निम्ति भन्दै २०भन्दा बढी मोडलका एन्ड्रोइड र आईओस(आइफोन)मा ह्वाट्सएप, फेसबूक र इन्स्टाग्राम बन्द गर्न लागेको हो ।
१० वर्षभन्दा पुराना मोडलका सबै प्रकारका मोबाइल फोन (एन्ड्रोइड/आईओस)मा ह्वाट्सएप र फेसबुक नचल्ने बताइएको छ ।
जसमा सामसङका मोडलहरु ग्यालेक्सी एस ३, ग्यालेक्सी नोट २, ग्यालेक्सी एसीई ३ र ग्यालेक्सी एस ४ मिनी, मोटोरोलाका मोडलहरु माटो जी (फस्ट जेन), राजर एचडी र मोटो ई २०१४, एचटीसीका मोडेलहरु वान एक्स, वान एक्स प्लस, डिजाइर ५०० र डिजाइर ६०१, एलजीका अप्टिमस जी, नेक्सस ४, जी २ मिनि र एल ९०, सोनीको एक्सपेरिया जेड, एक्सपेरिया एसपी, एक्सपेरिया टी र एक्सपेरिया भी ती एपहरु चल्ने छैन ।
एन्ड्रोइडको ४.१ भन्दा पहिलेका एन्ड्रोइड भर्सन रहेका सबै मोबाइल फोनमा फेसबूक, ह्वाट्सएप र इन्स्टाग्राम चल्ने छैन ।यस्तै, आईओस १५.१ भन्दा पुराना आइओएस भर्सन भएका आइफोनमा पनि फेसबूक, ह्वाट्सएप र इन्स्टाग्राम चल्ने छैन । जस्तै, आइफोन ५ एस, आइफोन ६ र आइफोन ६ प्लस ।आईफोनका प्रयोगकर्ताले नयाँ उपकरण खरिद गर्न र यसलाई साट्नको लागि मे ५, २०२५ सम्मको समय पाएका छन् ।
