काठमाडौं । विश्वका सबैभन्दा ठूला अटोमोबाइल उत्पादक कम्पनीहरूमध्ये एक BAIC (बेइजिङ अटोमोबाइल इन्डस्ट्री होल्डिङ कम्पनी लिमिटेड) अब नेपालमा लक्ष्मी ग्रुप मार्फत आधिकारिक रूपमा भित्रिएको छ।नेपालको सबैभन्दा विश्वासिलो तथा विविध व्यवसायमा स्थापित व्यावसायिक समूहहरूमध्ये एक लक्ष्मी ग्रुपसँगको यो साझेदारीले नेपालको अटोमोबाइल क्षेत्रमा नयाँ अध्यायको सुरुवात गर्दै, BAIC को विश्वस्तरीय नवप्रवर्तन, गुणस्तर र आधुनिक मोबिलिटी समाधान नेपाली ग्राहकमाझ ल्याउने लक्ष्य राखेको छ।
.gif)
सन् १९५८ मा बेइजिङमा सानो अटोमोबाइल कारखानाका रूपमा स्थापना भएको BAIC आज विश्वका अग्रणी अटोमोबाइल उत्पादकहरूमध्ये एक बनेको छ। चीनका प्रारम्भिक यात्रुवाहक सवारीसाधन तथा देशकै पहिलो ठूलो मात्रामा उत्पादन गरिएको अफ–रोड गाडी BJ212 निर्माणबाट सुरु भएको यसको यात्रा आज ८० भन्दा बढी देशमा आफ्नो उपस्थिति स्थापित गर्दै विश्वव्यापी अटोमोबाइल कम्पनीको रूपमा विकसित भएको छ। निरन्तर नवप्रवर्तन, रणनीतिक साझेदारी तथा अनुसन्धान र विकासमा गरिएको लगानीले BAIC लाई आजको उचाइमा पुर्याएको हो।
हाल BAIC चीनका प्रमुख अटोमोबाइल समूहहरूमध्ये एकका रूपमा परिचित छ, जसले यात्रुवाहक, व्यावसायिक तथा नयाँ ऊर्जा (New Energy) सवारीसाधन उत्पादन गर्दै आएको छ। Mercedes-Benz र Hyundai सँगको दीर्घकालीन संयुक्त सहकार्यले यसको विश्वस्तरीय उत्पादन क्षमता अझ सुदृढ बनाएको छ भने स्मार्ट मोबिलिटी र विद्युतीकरण (Electrification) मा गरिएको निरन्तर लगानीले BAIC लाई विश्वका प्रमुख अटोमोबाइल उत्पादकहरूमध्ये स्थापित गरेको छ। चीनको अफ–रोड सवारी उद्योगको अग्रदूतदेखि विश्वव्यापी उपस्थितिसम्मको BAIC को यात्रा करिब सात दशकको नवप्रवर्तन, उत्कृष्टता र निरन्तर विकासको प्रतिबिम्ब हो।लक्ष्मी ग्रुपमार्फत BAIC नेपालमा भित्रिएसँगै नेपाली ग्राहकहरूले अब विश्वस्तरीय प्रविधियुक्त, भरपर्दो तथा साहसिक यात्राका लागि तयार नयाँ पुस्ताका सवारीसाधन, देशव्यापी सेवा सञ्जाल, विश्वासिलो बिक्रीपछिको सेवा तथा नेपालको अटोमोबाइल क्षेत्रमा लक्ष्मी ग्रुपको दशकौँ लामो अनुभवको लाभ प्राप्त गर्नेछन्।
