काठमाडौँ । बिहीबार सेयर बजार परिसूचकमा सामान्य सुधार देखिएको छ । अघिल्ला दिनहरुमा लगातार रुपमा घटेको सेयर बजार आज भने सामान्य अंकले बढेर बन्द भएको हो । लगातारको गिरावटमा ब्रेक लागेर आज नेप्से परिसूचक ७.१७ अंकले बढेर २६२९.४० विन्दुमा पुगेको छ । आज सेयर बजारमा १३२ कम्पनीको सेयर मूल्य घटेको छ भने १३२ कम्पनीकै सेयर मूल्य बढेको छ । आज १३ कम्पनीको सेयर मूल्य स्थिर रहेको छ ।
.gif)
त्यस्तै आज सेन्सेटिभ इन्डेक्स पनि १.८८ अंकले बढेर ४६२.८९ विन्दुमा पुगेको छ । आज सेयर बजारमा १३ उपसूचकमध्ये ७ वटाको सेयर मूल्य घटेको छ भने ६ वटाको बढेको छ । परिसूचक बढेको दिन कारोबार रकममा पनि सुधार देखिएको छ । अघिल्लो दिन ३ अर्ब माथिको कारोबार भएको बजारमा आज ४ अर्ब ४० करोड माथिको कारोबार भएको छ । आज सेयर बजारमा ३४५ कम्पनीका ९५ लाख ७६६ कित्ता सेयर ४७ हजार ९१९ पटक खरिद बिक्री हुँदा ४ अर्ब ४० करोड १४ लाख ९ हजार ८५८ रुपैयाँको कारोबार भएको छ । आज सेयर बजारमा दुई कम्पनीको सेयर मूल्यमा सकारात्मक सर्किट लागेर कारोबार भएको छ ।
