काठमाडौँ । अर्थमन्त्रालयले पुँजी बजार सुदृढीकरण तथा पुनरुत्थान कार्ययोजना सार्वजनिक गरे पछिको पहिलो कारोबार दिन नेप्से परिसूचक उच्च अंकले बढेर बन्द भएको छ । अर्थमन्त्रालयले सोमबार सार्वजनिक गरेको कार्ययोजना पछि मंगलबार सेयर बजारमा उच्च अंकले बढेको हो ।
.gif)
आजको कारोबार बन्द हुँदा नेप्से परिसूचक ४८.५७ अंकले बढेर २६३३.६२ विन्दुमा पुगेको छ । जुन अघिल्लो दिनको भन्दा १.८७ प्रतिशतले धेरै हो । आज सेयर बजारमा २६५ कम्पनीको सेयर मूल्य बढेको छ भने १२ कम्पनीको मूल्य घटेको छ । आज एक कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि २ प्रतिशत अर्थात् ९.१९ अंकले बढेर ४६७.४५ विन्दुमा पुगेको छ । आज सेयर बजारका सबै १३ वटै उपसूचकमा हरियाली देखिएको छ । परिसूचकसँगै आज कारोबार रकममा पनि वृद्धि भएको छ । अघिल्लो दिन ४ अर्ब माथिको कारोबार भएको बजारमा आज भने ८ अर्ब माथिको कारोबार भएको छ । आज ३४७ कम्पनीका २ करोड ३ लाख ८७ हजार ४१३ कित्ता सेयर ७८ हजार ८६९ पटक खरिद बिक्री हुँदा ८ अर्ब २९ करोड १७ हजार ११५ रुपैयाँको कारोबार भएको छ । परिसूचक बढेको दिन एक कम्पनीको सेयर मूल्यमा सकारात्मक सर्किट लागेर कारोबार भएको छ ।
