काठमाडौं । कालिञ्चोक दर्शन लिमिटेडले जारी गर्न लागेको हकप्रद सेयर निष्कासन तथा बिक्री प्रबन्धकमा नेपाल एसबीआई मर्चेन्ट बैंकिङ नियुक्त भएको छ । कालिञ्चोकले १ः१ को अनुपातमा हकप्रद सेयर जारी गर्न लागेको छ ।कम्पनीले साविकका सेयरधनीलाई प्रतिसेयर १०० रुपैयाँको दरमा ६० लाख कित्ता बराबरको हकप्रद सेयर निष्कासन गर्न लागेको हो ।
.gif)
नेपाल एसबीआई मर्चेज्ट बैंकिङका तर्फबाट प्रबन्ध सञ्चालक तथा प्रमुख कार्यकारी अधिकृत लेखनाथ पोख्रेल र कालिञ्चोक दर्शनको तर्फबाट प्रमुख कार्यकारी अधिकृत बालकृष्ण शिवाकोटीले धितोपत्र निष्कासन तथा बिक्री प्रबन्धकसम्बन्धी सम्झौतापत्रमा हस्ताक्षर गरेका हुन् ।
कालिञ्चोक दर्शनले दोलखाको कालिञ्चोक गाँउपालिका–१ स्थित कुरीमा केबलकार सञ्चालन गरिरहेको छ ।
